انا مجاليش فانوس ولا حتى زينة رمضان
وعادي جداً عايشة مبسوطة بجو رمضان
وروحانياته من غير لا فانوس ولا زينة
و من غير كمان مالاقي كل يوم حد
يتصل بيا بعد الفطار ويقولي
هاا يا روحي فطرتي كويس
ارد اقوله ايوة يا قلبي وانت
يقولي....
دلوقتي حسيت اني شبعت
لما كلمتك هاااااااااا
وشغل فقع المرارة دة
يمكن مافيش حد يجبلي فانوس
والاهم انه يهتم بيا
بس فيه الاهم من دة كله
فيه ربنا هو دايماً معايا
ولو زعلت من حاجات مش لاقياها
بلاقي ربنا بيطبطب عليا
وبيقولي لو عندك مشكلة ولاقيتي حد سمعك
بيبقا فعلا حاسس بيكي؟
حتى لو قال الجملة اللي اي حد بتحكيله مشكلتك
قالها وهو بيضحك " انا حاسس بيكي" بيبقا حاسسها فعلا
اكيد لا بس ربنا بيحس بيا من غير حتى مااقوله انا ايه مضايقني
و لو فرضاً لاقيت اللي يسمعني
دة اللي بأيدة الامور هو ربنا
هو بس اللي بيحلها لما الجأله
وبيبقا حنين عليا اووي
احن من اي مخلوق في الدنيا
ومهما عملت بيسامحني
عشان كدة انا مبسوطة
حتى لو كنت لوحدي مبسوطة
كفاية اوووي ان مافيش حد يضيع عليا صيامي
بكلام الحب اللي شغال لليل ونهار دة