كل مرة يقَتلوا في ورود بلادنا
يصرخ صوتنا من سكَوتنا
يتوحد صليب مع مدنة
نفضل نهاتي
والناس تنادي
تقول ولادي
دمهم سال عالحدود
تطلع حكومة
وبيبان كمان للرئيس
يقولوا حاضر راح نجيب حق الولاد
معلش ياام الشهيد شكلها ايام سواد
تقوم من تاني قومة
ويبان بيان تهيس
يقولوا فيه حتماً لابد الشعب يهدا
وتخدوا شوية وقت هدنة
واحنا هنجيب حق اللي راح
يفوت يومين والشعب ينسى
ويومين كمان
من تاني عالدماغ يضربونا
ضربة اقوى ماللي فاتت
تفضل قلوبنا تبكي حرقة مالجراح
عالورود اللي ماتت
نفضل نهاتي
والناس تنادي
تقول ولادي
دمهم سال عالحدود
تطلع حكومة
وبيبان كمان للرئيس
يقولوا حاضر راح نجيب حق الولاد
معلش ياام الشهيد شكلها ايام سواد
ليست هناك تعليقات:
إرسال تعليق