الأحد، 8 يوليو، 2012

على سهوة




أنا اللي سَكنت جوه الروح
ولا غيري حبيب تاني
ووقت ما تزيد الجروح
راح تلقى الدوا حناني

هقاسمك كل أحزانك
هكون فـ الغربة عنوانك
هكون سندك وأكون ولدك
ومش هبعد في يوم عنك
دا حبي جوه شريانك

لاكان في بالي في يوم أهوى
ولا أسهر في يوم ما أنام
وحبك جالي على سهوة
ولا قدرت اقاومه حتى
ولا قدرت على النسيان

لقتني بسلم لعيونك
وصار القلب مجنونك
وسلم كل اسلحته

ولما تسلم على صبية
وتحس بالغيرة 
اللي ساكنة جوايا
بتعلن حبك حبيبي ليا
وتحضن بعنيك هوايا
ساعتها بقول للدنيا
آة انا بقى
اللي أبقا حبيبته

انا اللي سَكنت جوة الروح
ولا غيري حبيب تاني
ووقت ما تزيد الجروح
راح يلاقى الدوا حناني

هناك 6 تعليقات:

  1. "هقاسمك كل أحزانك
    هكون فـ الغربة عنوانك
    هكون سندك وأكون ولدك
    ومش هبعد في يوم عنك
    دا حبي جوه شريانك"

    جميله :)

    ردحذف
  2. كلمات رائعه واحساس جميل
    اتمنى قبول مرورى
    تحياتى ابوداود

    ردحذف
    الردود
    1. سعدت بمرورك
      والحمدلله ان كلماتي نالت اعجاب حضرتك :)
      نورتني ^_^

      حذف
  3. لاكان في بالي في يوم أهوى
    ولا أسهر في يوم ما أنام
    وحبك جالي على سهوة
    ولا قدرت اقاومه حتى
    ولا قدرت على النسيان

    رائعة .. تحياتي

    ردحذف