الثلاثاء، 10 يوليو 2012

ست البنات





بيقولوا عليا عصبية

والله إشاعات

انا هادية رقيقة رومانسية

وماليش حوارات

بس تضايقني هتعصب

هتطول انا ممكن اضرب

بس ....

ساعات و ساعات

شكلك كدة انت اتخضيت

دة أنا شطورة في شغل البيت

بعرف اسلق و اقلي البيض

من غير ما أسأل حتى إزاي

لاء وكمان انا بعمل شاي

والله بجد مش اشتغالات


دي عروستك حلوة وطعمة

ومفيش زيها ف الحكايات

عسولة خالص وشقية

وكمان ست البنات

يكتبوا فيا شعر و روايات

و بااسمي يكتبوا ابيات

هيقولوا حاجات و حاجات 

مالهاش نهايات

مالك أيه في اعتراضات؟؟

دي عروستك انا ست البنات

هناك 3 تعليقات:

  1. هههههه
    مبروك عليه ست البنات
    هو يطول اصلا :)
    جميلة و حلوة و شقية كده
    حلوة حلوة يعني :)

    ردحذف
  2. و هو يطول !!
    دا كفاية انها بتعرف تقلي البيض !!
    ..
    جميلة جدا و لطيفة جدا قصيدتك العامية دي..دايما هانتظر كل اللي تنشريه لأنه ما ينفعش يتفوت !!
    تحياتي

    ردحذف