الثلاثاء، 17 يوليو، 2012

زي الاطفال




وياك بلاقيني بقيت طفلة

عمالة تتشعلق في هواك

شبطانة فيك وماهيش خايفة

طول ماهي شايفاك

بتعدي سنين 
وانا لسه معاك

سمعاك حاساك

بصغر في العمر كتير لكن

بيزيد احساسي جواك

طب اقولك على حاجة كمان

وبلاش تقول دة بقى شغل جنان

انا عايزة فانوس زي الاطفال

تلعب ويايا كمان بيــــــه

وكأني عارفاك في زمان

تنطيط وشقاوة ولعب عيال

مستغرب لية

دا انا عايزة تجبلي حاجة حلوة

و تاخدني و نركب مرجيحة

و أياك تقول إن أنا طفلة

دة انا بس واضحة و صريحة

انا عايزة اعيش وياك عمري

و اشطب من قبلك حكاياتي

و أشوف...

في عنيك شمسي و قمري

و تكون ويايا في طفولتي

ولأخر يوم بقى في حياتي

فاانا عايزة تجيبلي حاجة حلوة ^_^ ♥

هناك تعليق واحد:

  1. الله عليكي يا ياسمينا

    حلووووووووووووووة روح البنوتة اللي فيها

    تسلم إيدك

    ردحذف