الأربعاء، 20 يونيو 2012

و كان عارف


و كان عارف
بإن وجودها كان زايف
لكنه تملي كان خايف
يواجه نفسه يخسرها
فيرجع تاني للوحدة
فقال عادي
يكون عايش مع واحدة
وجودها بس فـ خياله
تملي ف لوحه يرسمها
بلون وردي فـ أحلامه

و قال ياما
هموت لو هي فارقتني
بلاها مواجهة و ملامة
يمكن ما تكونش حبتني
ولا أصلاً هتسمعني
تقولي كلمة توجعني
روح يلا مع السلامة

و أموت و حدي
تعيش هي بقى فـ بعدي
و خوفي دة اللي قيدني
و سلسلني في زنزانة
و جوة عيونها تاه دربي
دي سكة آخرتها ندامة

دي كانت تؤمر بتعذيبي
فتكسرني
يرد القلب يقول زيدي
تزيد أكتر ... تدمرني

و كان عارف
و عامل نفسه مش شايف
ومش حاسس ومش خايف
على نفسه في يوم منها
و كان برضة مأمنها

فقال عادي
يكون عايش مع واحدة
وجودها بس فـ خياله
تملي ف لوحه يرسمها
بلون وردي فـ أحلامه

و كان عارف

هناك 8 تعليقات:

  1. بجد رائعه جدا يسلم قلمك وأحساسك وبجد احساس صعب اوى انك تكون بتحب حد وخايف تقولو حاجه تخسره وخايف تسكت برده يضيع منك وتخسره

    ردحذف
    الردود
    1. ربنا يخليكي منوراني يا مينو :)

      بس اقفولك الساعات السكوت دة بيخسرك انتي
      مدام هو مش باقي يبقا المركب اللي تودي
      اكيد فيه ناس حواليكي بيحبوكي بس سكوتك
      وخوفك من انك تخسري واحد بيخسرك كتير
      و مع الاسف دة بيحصل لناس كتير :(

      حذف
  2. جميلة وحلوة جدا تسلم ايديكِ :)

    ردحذف
  3. جميله جدا تسلم ايدك

    ردحذف
  4. رومانسيه اووى تسلم ايديك

    ردحذف