الخميس، 21 يونيو 2012

رسالة فاضية

 
و لما كان بيزعل منها و يتخاصموا
كانت تبعت له مسج فاضية
على موبايله

كان أول ما يشوف المسج يتغاظ
بس لما كان بيشوف أسمها
كان بيفرح و أوام يتصل بيهاا

كان يبدء كلامه 
خير بعتيلي مسج فاضية ليه
كانت تستعبط دايماً و تقوله
" مين أنا محصلش"
و أول ما تلاقيه خلاص هينهي كلامه
كانت تقوله إن المسج الفاضية دي
كانت كتباله فيها كلمتين بس أتسرقوا في السكة :D

يضحك و يقولها و ايه هما الكلمتين دول بقى

" بحبك أووي مهما تقسى..و تعمل فيها زعلان
بحبك بس أوعى تنسى...إن فيه قلب عمره ما بينام
غير لما يطمن عليك"

و كل ما كانوا يزعله مع بعض
يتصالحوا برسالة فاضية

دلوقتي سابها و مشي 
و ساب حياتها زي الرسالة
فاضــــــــــــــــــــــــية

هناك 4 تعليقات:

  1. حد يسيب واحدة نكتة وعسل زى دي .. :(
    هو لا نكد عاجب .. ولا ضحك وفرفشة عاجب
    مش عارفة ايه ده يا اوختشي :D

    ردحذف
    الردود
    1. نونا ربنا يخليكي يا حبيبتي

      ناس عايزة الحرق نعمل فيهم ايه بقى
      بينا نعمل لهم مليونيه نطالب بشنقهم :)

      حذف
  2. البوست دى بجد حلوى اوى ورمانسي أوى

    وبيتكلم عني اوى لو كان يستاهلها مكنش سبها

    ديما صحبتى كانت بتقولى كده وانا اهوه

    بقولهالك لو كان يستهلك مكنش سابك

    ده ربنا هو اللى بيحبك

    ردحذف
    الردود
    1. هو فعلا لو كان يستاهل مكنش جرحها
      بس ربنا ما بينساش حق حد اصلا
      خليكي واثقة انه مش خير ليكي وان الاحسن هيجيلك
      و هيجي يوم و يندم عليكي :)

      حذف