الثلاثاء، 26 يونيو 2012

فوتوغرافيا


بص يا سيدى... و ركز ف الكلمتين اللى هقولهم دول بقى
عشان بس من دلوقتى تعرف ايه ليك وايه عليك
وماتجيش ف يوم تقولى انى ماقولتلكش..

حبيبتك بت جدعه اوى ( احم احم اللى هى انا يعنى )
و مش ناويه اطلب حاجات كتير ..عشان تعرف بس انى بضحى معاك كتير
شوف بقى يعنى مثلا 

انا مش طالبه حماقى او تشامر حسنى يغنى ف فرحنا..لالالا.. و ياسيدى مش طالبه فرح كبير شوفت بضحى ازاى :$:$ المهم تكون انت ابو بدله سودة اللى هيقول ادام الناس كلها " قبلـت زواجكــ" 

وانا عارفه انك هتعوضنى عن الفرح الكبير اللى كنت بحلم بيه ..و هتعملى مفاجئة وتقولى اننا هنروح نحج وتكون انت محرم ليا هناك " ايموشن قلبه بيرقص م الفرحه" 

و كمان خد عندك يا سيدى..مش عايزة ف الــ " honey moon" نسافر اى دوله اروبيه كفايه اننا نسافر اى حته ان شالله " بلطيم" حتى وانا عارفه انك هتودينى " شرم _ او الغردقه" :$:$

تعالى بقى عشان تعرف انى بت جدعه اوى اوى وبتحبك اوى اوى اوى انا يا سيدى مش عايزة شبكة ب 100الف جنيه مع انهم مش خسارة فيا بس زى بعضه ..هراعى ظروفك الاقتصاديه برضه ..هبقا مبسوطة لو لابسه دبلتك انت :$ اة و يكون معاها توينز مش دبله بس ماتسترخصش :@
وانا عارفه انك هتجيب لى كل اللى انا عايزاه..وانا عايزاكـــــــ انت ♥

شوف بقى انا مضحيه معاك بكل دة..بس عشان تبقا عارف وفاهم بقى
الحاجة اللى انا مش هضحى بيها مهما عملت وماتحاولش تقولى لا :@ عشان مابقاش شرانيه معاك هى:
" ان صور فرحنا تبقى صور فوتوغرافيا...اة بقى ماليش دعوة هنتصور عند مصور فوتوغرافيا قول انك هتوافق بقى هاا "

هناك 10 تعليقات:

  1. جميلة جدا جدا يعنى
    بس اولا مالها بلطيم دى تحفة والله
    وخصوصا فى شهر 6 بتبقى رهيبة
    ثانيا هو انتوا الطبيعى مش بيكون فى صور فوتوغرافيا
    فى الفرح ولا ايه حسيته طلب غريب ههههههه
    بس عموما ربنا يحققلك كل اللى بتتمنيه يارب
    ويسعدك يا جميلة :)

    ردحذف
    الردود
    1. تسلمي يارب
      مااقصدتش من ناحية الجمال بس اقصد انها كمصاريف اكيد هتكون اقل من اي مكان تاني :)
      لا هي الصور الفوتوغرافيا دي لسه جديدة انما قبل كدة صور ديجيتال ولسه مستمرة لحد دلوقتى :) مش كل الناس بيتصوروا فوتوغرافيا

      اتشرفت بمرورك ربنا يخليكي ويسعدك انتي كمان :)

      حذف
  2. ههههههههههههههههههههههه
    والله انتى زى العسل
    وطلباتك بسيطه ومقنوعه خالص اهو
    اكتر حته عجبتنى
    "وانا عارفه انك هتعوضنى عن الفرح الكبير اللى كنت بحلم بيه ..و هتعملى مفاجئة وتقولى اننا هنروح نحج وتكون انت محرم ليا هناك " ايموشن قلبه بيرقص م الفرحه" "

    ربنا يرزقك بكل اللى بتحلمى بيه يا جميله يااارب :))

    ردحذف
    الردود
    1. والله انتي اللي عسل
      ربنا يخليكي يارب ^_^
      ويجعل من دعائك نصيب ليكي :)

      حذف
  3. هههههههههههههههههه
    طلباتك بسيطة واحلامك جميلة ودمك زي العسل ربنا يسعد قلبك :D

    ردحذف
    الردود
    1. ربنا يخليكي يارب ويسعدك يااميرة :)

      حذف
  4. جميلة جدا جدا جدا
    رائعة بجد
    انتي خدتيني من حالة حزن فظيعة كنت فيها دخلتيني حالة سعادة و براة طفولية كده
    تسلم افكارك و يا رب يرزقك كل ما تتمني :)

    ردحذف
    الردود
    1. بعد الشر عليكي من الحزن ربنا يسعد قلبك يارب :)
      ماتحرمش منك

      حذف
  5. ههههههههه
    ده انتي عروسه موفره خالص
    ربنا يحقللك كل اللي في بالك يارب
    وتمكسي بالصور الفوتوغرافيه
    اصل الديجتال مش بتدوم :(

    ردحذف
    الردود
    1. هههههههههه اوفر من العروسة الصيني كمان :)
      وانتي كمان ياااااااارب
      ماتقلقيش دة انا لو وافقت اتجوز هيبقا عشان الصور الفوتوغرافيا دة مبدأ

      حذف