الجمعة، 29 يونيو 2012

حب مراهقة









كل ليلة وانا واقفة ورا الشباك
متدارية ف الستارة
وانت قصادى واقف انا شايفاك
مش حاسسنى وانا محتارة

دة انا يا حبيبى بكون حساك
وانت بتهمس انا سمعاك
لية معذبنى بذنب هواك

واما عينك تيجى ف عينى
واجى اقولك انت ازيك
بيكون ردك والله كبرتى
واحلويتى اكتر واكتر

بتحسسنى ان انا ادامك دايما طفلة
لية مش شايف 
انى خلاص بئيت انا شابة
والسنة دى ف الثانوية 
ناويه اجيب 90ف المية
وادخل جامعة
ولسة شايفنى اننا طفلة


انا والله كبرت ياعمو وبئيت شابة
بس عيونك لية مش حاسة
انا مش عارفة

بص كويس اوى ليا
شوف كدة ايه اتغير فيا
وماتقوليش تانى يابنتى
قول يا حبيبتى
يلا انا راضية

شوف فستانى حلو عليا؟
هو وصندل عالى شويا
ومطولنى اكتر واكتر
وكمان شعرى خلاص بئة اطول
شيلت ضفايرى وسايباه يهفهف
واة لو تعرف
انى بحبك انت ياعمو

بس انا خايفة
علشان عارفة
ردك ليا هيكون ايه

خايفة تقولى انى مراهقة
وحبى دة هياخود مدة
واضحك لماافتكرة ف بكرة
وانت عيونك لية مش حاسة
بصدق مشاعرى
قولى بس كل دة لية؟

بتحسسنى ان انا ادامك دايما طفلة
لية مش شايف 
انى خلاص بئيت انا شابة
والسنة دى ف الثانوية 
ناويه اجيب 90ف المية
وادخل جامعة
ولسة شايفنى اننا طفلة

هناك 8 تعليقات:

  1. :D كأننا وضعنا قصيدة (لوليتا) لنزار قباني، أمام المرآة

    ردحذف
    الردود
    1. دة شرف ليا ان كلماتي تقارن بكلمات شاعرنا الجميل نزار قباني
      اسعدني رايك جدااا :)

      حذف
  2. كلمات بسيطة رقيقة رغم ان من الصعب الكتابة بالعامية
    قليل من الرومانسية في وسط هذا الزخم لا يضر
    لقد استمتعت هنا
    تحياتي

    ردحذف
    الردود
    1. ربنا يخليك ورايك اسعدني جدااا
      نورت المدونة :)

      حذف
  3. ههههههههه دمها خفيف اوي
    تسلم ايدك :))

    ردحذف
    الردود
    1. ربنا يخليكي يارب :) ماتحرمش من رايك

      حذف
  4. لطيفة و رقيقة كلماتك ياسمين..علقت هنا و لكني قرأت تدوينات كثيرة و جميعها أعجبتني..سعدت بوجودي هنا..تحياتي

    ردحذف
    الردود
    1. دة شىء يشرفني جداا ان كلماتي تعجبك :)
      واكيد المدونة نورت بوجودك ^_^

      حذف